Têgêrayîşê Cinîyan ê Kurdan ê Ewropa (TJK-E) bi eşkerayîyêke venga pêro cinîyan, kurdîstanijan û dostanê înan da  ke 27ê sibate de tewrê çalakîya seba Rayberê Şarê Kurdî Abdullah Ocalanî bibê.

Eşkerayîye de ame vîsvistene ke Rayberê Şarê Kurdî 25 serrî yo Zîndanê Îmraliyî de binê tecrîdî de tepişîyeno. TJK-E bale ante ser ke Komîteya Vergirewtişê Îşkenceyî (CPT) mabênê 13-22yê sibata 2024î de zîndanê Tirkîya zîyaret kerdê la nêşîya Îmraliyî. TJK-E îfade kerd ke CPT bi na peygoşî û bêvengîya xo beno hemkarê sîstemê Îmraliy yê Tirkîya. 

TJK-E vat: ''Ma venga CPTyî danê ke tesbît û çimdarîyanê xo yê Îmraliyî rayaumûmîye de pare bikero û erkanê xo bîyaro ca. Ma venga Konseya Ewropa û dezgehanê mîyanneteweyîyan danê ke erkanê xo bvîyarê ca. Nê armancî ser o ma do 27ê sibate de Strasbourg de çalakîyêke bikerê.  Ma venga pêro cinîyan, kurdîstanijan û doostanê xo danê ke 27ê sibate de beşdarê çalakîya ma ya Strasbourgî bibê ke seba azadîya Rayber Apoyî do bêra kerdene.''