TJK-E bi eşkerayîyêke seba beşdarîya rayraşîyayîşê Kolnî veng da.

Eşkerayîye de ame vîrvistene ke bi taybetî serra peyêne de çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de şarê kurdî tim mîyanê çalakîyan de yo. TJK-E vat: ''Hemleya ma ver bi serkewtişî şina. Seba çinkerdişê komployî û caardişê azadîya Rayber Apoyî ganî ma hêzê hemle pîlêr bikerê. Heta caardişê azadîya Rayber Apoyî ma sey cinîyan serkêşîye bikerê. 

Caardişê azadîya Rayber Apoyî do bibo erkê ma yo bingeyî. 16ê teşrîna peyêne de ma sey kortejê cinîyan ê 'Tîrêjên Rojê'  vengê xo berz bikerê, mil bi milî têbigêrê. Ma pêro cinîyan, domanan, dadîyan, cinîyan ê ciwanan û enternasyonelan ê ke bi sembol, dowîz û pankartanê xo kortejê ma de cabigêrê.

Ganî nêro vîrakerdene ke her ca û şertî de ma do tecrîdî û azadîya Rayber Apoyî bikerê rojdemî. Roje roja pîlkerdişê têkoşînî û rayraşîyayîşê ver bi serkewtişî ya.''