TJK-E vera îşkenceyê Îmraliyî kampanyaya mektuban daye despêkerdene ke metubî do CPTyî rê bêrê şawitene. TJK-E vat: "Ma cuyeya bêrayberîye qebul nêkene" û veng da ke wa her kes tewrê Hemleya Azadîye bibo.
Têgêrayîşê Cinîyan ê Kurdan ê Ewropa (TJK-E vera tecrîdê serê Rayberê Şarê Kurdî Abdullah Ocalanî kampanyaya mektuban daye destpêkerdene.
TJK-E vat: "Rayberê Şarê Kurdî Birêz Abdullah Ocalan 25 serrî yo Îmrali de binê tecrîdê giranî de yo. 3 serrî yo keye û avûkatê ci zî tede qet çewî de nêeşkeno pêvînayîş bikero. Çarçewaya hemleya 'Ocalanî rê azadîye meseleya kurdan rê çareserîya siyasiye' de ya ke 10ê teşrîna verên a 2023yî de dîyaye destpêkerdene, vera tecrîdî xeylêk çalakîyê cîya cîyayî ameyî kerdene. Tecrîd leteyêkê polîtîkaya şerî ya vera kurdan a.
Heyetê Vergirewtişê Îşkenceyî (CPT) yo ke hetê Konseya Ewropa ra ameyo ronayene eşkeno şiro Îmrali la seba ke wezîfeyê xo nêano ca zîndanê Tirkîya açarîyayî îşkencexaneyan. CPT ganî cade raporê xo eşkera bikero û şiro Tirkîya ser. Ganî îqtîdarê AKP-MHPyî bêro muhakemekerdene.
Mas ey merhaleya diyîne ya hemle 19ê nîsane ra Ewropa ra dest pê kenê serê dezgehanê cinîyan ra CPTyî rê mektuban şawenê. Ma do her roje bajaranê cîya cîyayan ra bi waştişê wedaritişê tecrîdî CPTyî rê mektuban bişawê û berpirsîyarîya ey bîyarê virê ci. Ma reyna vanê ke ma cuyeya bêrayberîye qebul nêkene û veng danê ke wa her kes tewrê Hemleya Azadîye bibo."
