Yasemîne Çetîndag şaristanê Strasbourgî yê Fransa de 23ê kanûne de hetê mêrdeyê xo yê verênî Savaş Ozuyanikî ra amebî qetilkerdene. Têgêrayîşê Cinîyan ê Kurdan ê Fransa (TJK-F) derheqê kişîyayîşê Yasemîne Çetîndag de eşkerayîyêke daye. TJK-Fyî bi xurtî serebût şermezar kerd.

TJK-Fyî vat: ''Fransa de her serre şîdetê vera cinîyan zêdîyeno. Cinîyî wexto ke wazenê derheqê cuya xo de qerar bidê benê hedefê şîdetî û kişîyenî. Dewrê nikayênî de şîdetê vera cinîyan hînî cînsîya komelkî keno weye. Sebebê verênî yê nê şîdetî zî îqtîdar û dewlet ê. Ê wayîrê faşîzmê sereyê keyeyî vejîyenê û kişîyayîşê cinîyan teşwîq kenê. Şîdetê vera cinîya  rojdem û meseleya verêne ya pêro cinîyan a. Ganî cinîyî vera ney bêrê yew ca û payan ser o vinderê. Qetilkerdişê cinîyan hînî asta qirkerdişê cînsîyî de yo. Coka têkoşîno rêxistinbîyaye seba cinîyan hînî sey nan û awe girîng o. Her ke kiştoxî pawîyenê cinîyî qetil benê. Ma venga pêro komelî danê ke vera kişîyayîşê cinîyan wurzo payan ser û vajo:Cinîye seba cuyêka azade pîya têbigêrê!''