TJK-Fyî seba tewrbîyayîşê çalakîyanê Jîna Emînî veng da

TJK-F seba Jîna Emînî ya ke Îran de hetê polîsanê exlaqî ra amebî qetilkerdene do tay çalakîyan bikero. TJK-Fyî venga pêro cinîyan da ke wa tewrê çalakîyan bibê.

Têgêrayîşê Cinîyan ê Kurdan ê Fransa (TJK-F) seba cinîya kurde Jîna Emînîya ke hetê polîsanê exlaqî yê rejîmê Îranî ra amebî qetilkerdene do tay çalakîyan bikero. TJK-F ewro Rems de û roja şemeyî zî şaristananê bînan ê Fransa de çalakîyan bikero.

TJK-Fyî bi eşkerayîyêke venga pêro cinîyan da ke wa tewrê çalakîyan bibê. TJK-Fyî eşkerayîya xo de dîyar kerd ke dewleta Îranî vera çalakîkeranê cinîyan şîdetî mojnena û îşkenceyanê xo rê dewam kena. TJK-Fyî vat: ''Îran bêvengîye ra qirkerdişê cinîyan rê dewam keno. Ma serewedaritişê cinîyanê Rojhelatê Kurdîstanî û Îranî selam kenê. Ma venga têgêrayîşanê cinîyan, dezgehanê şorişgêr û demokratîkan û cinîyan ê kurdan danê ke beşdarê çalakîyanê ma yê şemeyî bibê.''

Bernameyê çalakîyan wina yo:

Bordeaux, Place de la comêdie, saete: 14.00

Marseille, Place Canabier, saete: 14.00

Paris, Châtelet Les Halles, saete: 19:00

Strasbourg''