Bi wesîleya serrgêra 8. ya Qirkerdişê Parisî 6 û 9ê çeleyî de do çalakîyî bêrê kerdene. Kurdîstanijî û dostê înan her ca de amedekarîya çalakîyanê protestoyî kenê. Aktîvîta TJK-Fyî semedê tewrbîyayîşê çalakîyan veng da.
9ê çeleyê 2013yî de paytextê Fransa Paris de Ronayoxanê PKKyî ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanîye Leyla Şeylemez (Ronahî) ameybî qetilkerdene. Bi wesîleya serrgêra 8. ya Qirkerdişê Parisî 6 û 9ê çeleyî de do seranserê Ewropa de çalakîyê protestoyî bêrê kerdene.
Aktîvîste Nupele Munzura ke bi nameyê TJK-Fyî qisey kerd, veng da ke wa her kes tewrê çalakîyan bibo.
Munzure cinîyê serkêşî yê Têgêrayîşê Cinîyan ê Kurdan Sara, Rojbîne û Ronahî bihurmet yad kerdî û vat: ''Xora ma zanê ke no qirkerdiş MÎTê tirkî kerd û engişta Fransa zî tede esta. Ma emser bi şîarê 'Fermanê Qirkerdişê Parisî Erdoganî da, wa bêro hukmkerdene!' do vejîyê meydanan. 6ê çeleyî de saete 11.00 de ma verê Merkezê Kulturî yê Ahmet Kayayî de ra heta cayê qetilkerdişê Cansize, Dogane û Şaylemeze do rayra şirê. 9ê çeleyî de zî ma do Gare de Nordî ra heta Meydanê Republique rayra şirê. Sere de cinîyî wa şarê ma û dostî semedê hesabpersayîşî tewrê çalakîyan bibê''
