Aktîvîsta Têgêrayîşê Cinîyan ê Azadan (TJA) Esma Efeturk derheqê rojdemê cinîyan de ANFyî rê qisey kerd.

Esma Efeturk îfade kerd ke rixmê teda, şîdet, tecawuz û tacîzê vera cinîyan serra 2020î de têkoşînê paştdayîş ame mûntene û têkoşîn ame berzkerdene. Esma vat: ''Ma dî ke vera nê têkoşînê cinîyan hêrişê îqtîdarîya camêrdan zî bi sîstematîkî zêdîyayî. Sûcê vera cinî û domanan bêceza ameyî verdayene, kerdoxan rê seke xelatî dîyayî. Na teda û zorbazîye nîşaneya tersê vera têkoşînê cinîyan a.''

Esma ard ziwan ke îtîfaqê AKP-MHPyî nêzdîbîyayîşê xo yê vera cinîyan pratîkanê xo yê na serre de mojna û hêrişê vera Peymana Îstanbulî û qanûnê 6284î zî mîsalê ney ê. Esma bale ante hêrişanê vera hemserekîye, tayînkerdişê qeyûman, hêrişanê cînsîyan ê unîformakerdeyan ser. Esma da zanayene ke pê nê hêrişan Kurdîstan de cinîyî yenê qirkerdene.

Ema vat: ''Pê hêrişê vera cinîyan komel yeno cezakerdene û ganî rayaumûmîye hêrişê vera cinîyan sey 'polîtîkaya şerê taybetî' bivîna. Serebûtê Gulîstane Doku de qet derheqê Zayna Abarakovî de tehqîqat nêdîya destpêkerdene. No komelî rê mesajêk bi. Çunke oyo ke Zaynalî kerdo cara polîtîkaya dewlete bîye.''

Esma venga cinîyan da ke vera hêrişan yew bibê û paştdayîşê xo bizêdîne û vat: ''Eke cinîyî yewîya xo awan bikerê ma do hînî polîtîkayanê îqtîdarîya camêrdan pûç bikerê.''