Bajarekê Lavrio de cinîya multecîye ya kurde Evîne Ekrem Alî qereqolê polîsan de hetê mêrdeyê xo ra bi hawayêkê barbarî amebî qetilkerdene. Paytextê Yunanîstanî Atina de qetilkerdişê Evîne Ekrem Alî bi rayraşîyayîşêkê dergî ame şermezarkerdene. Rayraşîyayîşî meydanê Akademia de dest pêkerd û cinîyê kurdî, yunanijî, enternasyonalîstî, çepgirî, sosyalîstî û anarşîstî tewrê rayraşîyayîşî bîyî.

Bi seyan cinîyî bi sloganê ''cinîye, cuye, azadîye'' rayîrî ra şîyî. Rayraşîyayîş de fotografê Evîne Ekrem Alî, pankartê bi nuşteyê kurdkî, tirkî, yunankî û alayê YPJyî ameyî berzkerdene. Rayraşîyayîşî cehdeyê tewr qerebalixî yê şaristanî de dewam kerd û hemwelatijanê derdorî bi çepikan paştî da rayraşîyayîşî.

Rayraşîyayîşî ra dima verê Parlamentoya Yunanîstanî de nawnayîşêk ame kerdene.

Nawnayîş bi deqayêkê rêzgirewtişî dest pêkerd. Dima eşkerayîya bi ziwanê kurdkî, tirkî û yunankî ameye wendene.

Dima dosyaya ke waştişanê cinîyan ra amebî meydan pêşkêşê Parlamentoya Yunanîstanî ameye kerdene. Çalakîye bi sloganan qedîyaye.