Meclîsê Cinîyan ê HDPyî derheqê hemleya 'Me too' ya ke medyaya dîjîtale ser o tacîz û şîdetê cinîyan teşhîr kena eşkerayîyêke daye.

Eşkerayîye de wina ame vatene: ''Ma serran ra nata benê şahîdê ci ke parekerdişê cinîyan camêrdanê tacîzkeran eşkera kenê. Paştdayîşê cinîyan û rêxistinbîyayîşê cinîyan resayî serewedaritiş. Ma reyna dî ke bi des hezaran cinîyî name û statuyê înan se beno wa bibo maruzê tacîzî manenê. Cinîyê ke nê tacîzan îfşa kenê benê hedef. Yeno waştene ke cinîyî hîş bikerê.

Ma vera tacîz û şîdetî do têkoşînê xo geşêr bikerê. Vera polîtîkayanê îqtîdarî ma do azadîya cinîyan biqîrê û edalet bipawê.

Pêro cinîyê ke maruzê şîdetê camêrdan benê wa baş bizanê ke ma sey cinîyanê HDPyî hetê înan de yê. Ma do vera şîdetî bêveng nêmanê û têkoşînê xo ra fek vera nêdê. Êyê ke do bêveng bimanê cinîyî nê kerdox ê. Ganî hewnê cinîyan nê ê tacîzkeran biherimîyo.''