Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan bi rayberîya Înîsîyatîfê Cinîyan ê Zîne de Fransa de çalakîyî ameyî kerdene.

Strasbourg

Rayberîya Înîsîyatîfê Cinîyan ê Zîne û dezgehanê şorişgeran de cinîyan şîdetê vera cinîyan protesto kerd. Meryeme Tekînser nameyê înîsîyatîfî ser o qisey kerd û ard ziwan ke Kurdîstan û Tirkîya de kişîyayîşê cinîyan bi destê Erdoganî yeno kerdene.

Mulhouse

Cinîyan rayberîya Înîsîyatîfê Sema Yuce zî tede 15 rêxistinanê cinîyan de şîdetê vera cinîyan protesto kerd. Çalakîye de ame parekerdene ke şîdetê vera cinîyan sey parçeyêkê kapîtalîzm û îqtîdarî yo.

Hunermende Zarîfe Zerrîn zî çalakîye de qisey kerd û îfade kerd ke Kurdîstan de cinîyî bi destê dewlete kişîyenê û ganî cinîyî azadîya co bivisnê destî.