Platformê Cinîyan ê Dêrsimî Şubeyê KESKî yê Dêrsimî de derheqê Gulîstane Doku ya wendekara Unîversîteya Munzurî ya ke 5 çeleyî ra nata vînîbîyaye ya eşkerayîyêke daye.

Bi nameyê platfomî Dilşate Yeşîla ke qisey kerd bale ante serê ke polîtîkaya şîdet, tacîz û tecawuzî ya vera cinîyan bi hawayêkê sîstematîkî dewam kena. Yeşîle vat: ''5ê çeleyî ra nata Gulîstane Doku vînîbîyaye ya. Rixmo ke ma waşt ke şikdar Zainal Avarakov bitesîr bêro cigêrayene, înan sey her wextî reyna sey xo kerd û netîceyêke nêameye girewtene. 5ê çeleyî serrgêra vînîkerdişê Gulîstane Doku ya. Ma tîya ra veng danê ke wa heme cinîyî na roje vejîyê kuçeyan.''