Wan de serkêşîya TJA de Wan de bi şîare ''Ma vera qirkerdişê cinîyan sere wedarenê, ver bi azadîye şinê'' 8ê Adare Roja Cinîyan ê Kedkaran a Dinya yeno pîrozkerdene.

Hemsereka Pêroyî ya DEM Partî Tulaye Hatimogullari û Endama Heyetê Îmraliyî Pervîne Buldan tewrê mîtîngî bîyî.

Cinîyan saetanê serê sibayî rewî ra bi kincanê xo yê tradîsyonankî û slogananê "Bijî Serok Apo" û "Jin, jiyan, azadî" verê xo da warê mîtîngî.

Badê rezgirewtişî verî Hemsereka DEM Partî ya Wanî Gulşene qisey kerd û vat heta ke cinî azad mebo komel nêeşkeno bibo azad.

Dima ra mesajê Rayber Apoyî ame wendene. Badê wendişê mesajî cinîyan yew fekî ra slogana“Bijî Serok Apo” vate û posterê Raybe Apoyî ameyî akerdene.

Hemaşerada Bajarê Pîlî ya Wanî Neslîhane Şedala ke wezîfeyê ci destê ra ame girewtene û herinda ci de qeyûm ame cakerdene, vat ê paştî danê vengdayîşê Rayber Apoyî. Aktîvîsta TJA Zekiye Ilbasan zî haştîya bianore têna bi azadîya cinîyan bena.

Badê qiseykerdişan Koma Vejîn vejîya sehne û cinîyan di deyîran govende girewte.