Rejîmê Îranî cezaya dardekerdişî dabî rojnameger û aktîvîsta kurde Pexşane Ezîzî. Seba ke Pexşane newe ra bêra muhakemekerdene avûkatê aye Emîr Reîsîyan muracatê Mehkemeya Berze kerdibi. 

Reîsîyanî hesabê xo yê Xî de mesajêk pare kerd û vat ke no muracat ameyo redkerdene. 

Rêxistina Heqanê Merdiman a Îranî (IHRNGO) zî derheqê Pexşane Ezîzî de eşkerayîyêke daye. Eşkerayîye de ame vatene ke Pexşane tehlukeyê dardekerdişî de têrî ya.

Dîrektorê UHRNGOyî Mahmood Amiry-Moghaddamî vat: ‘’Redkerdişê muracatê newe ra muhakemekerdişî mojneno ke Komara Îslamî dardekerdiş û tedayan ra ber rayîrêkê bînî nêzanena. Gefê dardekerdişî yê vera Pexşane cidî yo û tena bi protestoyanê şarî û tedaya mîyanneteweyîye verê ney gêrîyeno.’’