Endamanê Senatoyê Fransa û Meclîsê Neteweyî yê Fransa, endamanê Parlamentoyê Ewropa morê xo da binê eşkerayîya hempare ro. Eşkerayîye de cinîyan Kurdan ê Rojawanî ra silam ame dayene ke seba cinîyan ê dinya têkoşîn danê. 

Eşkerayîya hempare ya parlamenteranê Fransa wina ya:

"Ma sey parlamenteranê Fransa pare kenê ke paştdayîşêko xurt danê cinîyanê Kurdan ê Rojawanî yê ke seba heq û komelêko têduşt şer kenê. Înan seba menfaatê dinya şer kerdî ke ma zî înan pawenê. Artêşa Tirkîya ke tepîya ancîyayîşê Amerîka ra hêz girewt, bi hewayêkê namerdî hêrişê şaranê Rojawanî kerd.

Têkoşînê seba komelêko têdûşt têkoşînêko yewîn nîyo ke nê cinîyî oxirê ci de têkoşîn danê. Exlebîyê înan verba hêzanê îdeolojîkan û leşkerî yê DAÎŞ'î destê xo eştî çekan. Hêrişê Tirkan kerd  ke bi seyan endamanê DAÎŞ'î serbest bibê ke no zî DAÎŞ'î newe ra ganî biko.

Cinîyê Rojawanî wina vanê: 'Ma bi bedelan şorişê cinîye pawenê. Ma têkoşînê xo reyde ser nameyê cinîyanê dinya şinê.' Ma zî naye zanenê û mînetdarê înan ê. Komara Fransa ra ma zerrîya xo ra silamê înan kenê. Binê şert û mercanê şerî de ma wazenê ke hêrişê Tirkîyayo ke DAÎŞ do newe ra ganî bike, bêro vindertene û Fransa û Ewropa ra wazenê ke nê hêrişan şermezar bikê. 

Ma veng danê ke seba pawitişê sînor û şarê Kurdî binê Neteweyê Yewbîyayeyî de herême de perayîşê teyarayan bêro qedexekerdene û seba naye zî hêzêkê mîyanneteweyî tê bigêro. Ma veng danê Fransa û Ewropa ke verba Tirkîya ambargoyanê sîyasî û malî yê giranan bîyarê ca. Ma Fransa ra silamê xo yê wayîye û paştdayîşî cinîyanê Rojawanî rê û pêroyê şarê Sûrîye rê erşawenê.

Parlamenter û Senatorê ke mora xo daye binê eşkerayîya hempare nê yê:

AUBRY Manon, Endama Parlamentoyê Ewropa, LFI

AUTAIN Clémentine, Parlamentera Meclîsê Neteweyî yê Fransa, LFI

BATHO Delphine, Parlamenter Génération écologie

BENBASSA Esther, Senatore, EELV

BILLON Annick, Senatore Union centriste

BLONDIN Maryvonne, Senatore PS

BUFFET Marie-George, Parlamentere GDR

CHAIBI Leïla, Endama Parlamentoyê Ewropa, LFI

COHEN Laurence, Senatore CRCE

FAUCILLON Elsa, Parlamentere GDR

FIAT Caroline, Parlamentere, LFI

FILLEUL Martine, Senatore PS

GAILLOT Albane, Parlamentere LREM

GARRIAUD-MAYLAM Joëlle, Senatore, LR

JASMIN Victoire, Senatore, PS

KRIMI Sonia, Parlamentere, LREM

LEPAGE Claudine, Senatore, PS

LIENEMANN Marie-Noëlle, Senatore LFI

LUBIN Monique, Senatore PS

MEUNIER Michelle, Senatore PMONIER Marie-Pierre, Senatore PS

MÖRCH Sandrine, Parlamentere LREM

OBONO Danièle, Senatore LFI

PELLETIER Anne-Sophie, Endama Parlamentoyê Ewropa, LFI

PRÉVILLE Angèle, Senatore PS

RIVASI Michèle, Endama Parlamentoyê Ewropa, EELV

ROSSIGNOL Laurence, Senatore PS

RUBIN Sabine, Parlamentere LFI

TAILLÉ-POLIAN Sophie, Senatore, Génération.s

VANCEUNEBROCK-MIALON Laurence, Parlamentere LREM