Fermandarîya Qerargehê Merkezê YJA Starî bi wesîleya 8ê Adare Roja Cinîyan ê Kedkaran a Dinya eşkerayîyêka nuştekîye daye û nê pare kerdî:

''Ma heme cinîyan selam kenê ke mîjdanê wisarbîyayîşê cinîyan danê û 8ê Adare meydanan de bi şîarê Jin Jiyan Azadî pîroz kenê. Rayberîya ma ke cinîyî xoverdayîşê xo deyndarê ci yê ma ey rê mînetê xo reyna anê ziwan û şehîdanê xo bi rêzdarî yad kenê ke semedê pawitişê xeta cinîya azade ganê xo feda kerd. Ma soz danê ke ma do têkoşînê înan biresnê serkewtişî.

Kede erjo esasî  yo ke merdimî keno merdim. Bi destsernayîşê kede derba tewr pîle dîyena merdimîye ro. Merdimo ke keda ci yena  binpaykerdene, ci rê neheqîye yena kerdene xo rê û komelê xo rê beno xerîb, bi qala kilme beno kole. Xora raştîya sîstemê kapîtalîstî koletîye ya. No sîstem merdimî merdimîyatî ra vejeno û bi hewayêkê sîstematîkî dest nano kede ci ser o ke xo aver bêro. Sere de cinî û domanî çim verdayo keda heme komelî. Vera nê sîstemî verî cinîyan sere wedarit. Her çiqas têkoşînê cinîyan ê girdî tarîx de merê vînayene  zî cinîyî tim komelî rê serkêşîye kenê. Heta 8ê Adere cinîyî çirey vera neheqîye bêveng nêmendî û tim têkoşîno pîl dayo. Dewletan zî tim bi qirkerdişan cewab dayo têkoşînê cinîyan. Coka 8ê Adare semedê teşhîrkerdişê zîhnîyetê leyminî yê camêrd-dewlete muhîm o. 8ê Adare sembolê têkoşînê cinîyan o. Coka ganî na roje bi têkoşînî bêro pêşwazîkerdene.

Ewro zî Têgêrayîşê Cinîyan ê Azadan ke mîyanê Têgêrayîşê Azadîya yê Kurdan de form girewt 8ê Adare bi manaya ci ya raşte temsîl keno. Rayberê ma vano azadîya cinîyan estuna têkoşînê azadîye yê ma yo. Têkoşînê Cinîyan ê Kurdan ewro têkoşînê cinîyan ê dinya rê serkêşîye keno.Têgêrayîşê ma bi YJA Starî dahîna aver şi. YJA Star Kobanê ra heta Şingalî sere de cinîyê kudîstanijî semedê cinîyan ê dinya bîyo hêvî. YJA Starî bi mîrasê xo yê têkoşînê 30 serran semedê cinîyan bîyo modelê xopawitişî û vera zîhnîyetê camêrdê qirkerî hêzo tewr pîl ê cinîyan o. Ganî her warê cuye de bi fehmê xopawitişî bêro têgêrayene. Seba ke cinîyî wayîrê kede, beden, ruh û zerrîya xo bivejîyê ganî bibê sey YJA Starî.

 Têkoşînê ma yê azadîye yo ke Rayberîye sey xebatêka destankî erjnano vera zihnîyetê nêrî qodê panc hezar serran hal kerdî û rayîrê 'XWEBÛN'  (xobîyayîş) akerd. Şerê ma yo ke Sarayan ra heta Zîlanan, Bêrîtanan ra heta Doga Vîyanan bêmabên dewam keno  semedê cinîyan zaf destkewteyî afirnayî û bi îfadeyê komelo ke cinîya ci azad bi xo beno ezad. Na çarçewa de eke cinîyî waranê xo biaçarnê mewzîyanê xoverdayîşî eşkenê peynîye tecawuzî û zîhnîyetê nêrî bîyarî.Cinîyî ganî rêxistinkerde têkoşîn bikerê ke bieşkê erjanê xo bipawê û wayîrê heqanê xo bivejîyê. Seba ke ma nê wisarî bikerê wisarê cinîyan û sîstemê camêrdê serdestî rê vejê 'Vinder' ma bi şîarê Jin Jiyan Azadî têkoşînî esas bîgêrê. Jin Jiyan Azadî Rosayan ra heta Sarayan mîraso hempar ê heme cinîyan ê xoverdayoxan o. Jin Jiyan Azadî vera sîstemê camêrdê serdestî qîrayîş û hesabpersayîş o. Ma 8ê Adare de bi şîarê Jin Jiyan Azadî kuçeyan de biqîrê, vajê ma cuyeya bê cinî qebûl nêkenê û hesabparsayîşî bidê destpêkerdene.''