Merkezê Îrtîbat û Çapemenîye yê YJA Starî derheqê şehadete Şaristane Asmîn de eşkerayîye daye û nê vatî:

“Ma sere de hemraya xo militana serkêşe ya sînayîye Şaristane Asmîn bihurmet yad kenê şexsê aye de heme şehîdanê  çapemenîya azade yad kenê û soz danê ke ma do tim rayîrê înan teqîp bikerê.

Kedkara serkêşe ya welatê xo hemraya ma Şaristane Asmîn bi welatperwerîya Botanî bîya pîle û sey heme ciwananê kurdan dejê şarê kurdî antî. Hema ciwanîya xo de rîyo tewr tarî yê îşxalî dîyo û soz dayo ke do dişmenî ra qesas bîgêro. Bi nê waştişî  1999î de dest pê rayraşîyayîşê şorişî kerdo. Nameye Şaristane girewt û zerrî û mezgê xo bi felsefeya Rayber Apoyî pirr kerdî. Sey cinîya pabesteya welatê xo, 24 saetî kede daye û bîye mîlatane û fermandara serkêşe ya Têgêrayîşê Azadîye yê Cinîyan. Hemra Şaristane rayraşîyayîşê şorişî yê 24 serran de qet astengêk nas nêkerd, tim şîyî zordarîyan ser û serkewtiş esas girewt.

Rayber Apo vano; "Cinîyêka azade cuye de serkewtiş a". Hemra Şaristane sey cinîya serkêşe bi şerê girdi game bi game romanê xo nuşt û semedê cuye azade têkoşîn kerd. Qendîlî ra heta Zagrosan, Heftanînî ra heta Garê, Şingalî ra heta Mexmûr û Kurkûkî sey cinîya şervane koyanê welatê xo de zer kewt cuya azade. Çapemenîya YJA Starî de xeylêk wext kede daye ke veng û renge cinîyan ê şervanan bimojê perûne. Nê semedî ra game bi game heme waranê têkoşînî qala pêro rêçanê şehîdanê qehremanan kerde. Bi programanê ‘Jinên Çiyayî’, ‘Stargeh’ û programanê bînan cevhere koyanê Kurdîstanî da naskerdene. Waştişê aye o bi ke sey Bêrîtane bicuwîyo û sey Zîlane şer bikero û têkoşînê cinîyan xurtêr bikero. Coka ge Zap de mewzî de bî, ge ge zî kamera girewtêne destê xo. Zagrosan ra heta Şingalî wezîfeyê tarîxî ardî ca. Hemra Şaristane sey fermandarêka YJA Starî û hemreyêka çapemenîye heqîqetê şerê azadîye mojna dost û dişmen her kesî. Ma do sey hemra Şaristane rayîrê şorişî de heqîqetê azadîya cinîyan heme waranê cuye rê vila bikerê.”