Fermandaîya Qerargehê Merkê YJA Starî bi wesîleya serrgêra şehadetê Bêrîtane (Gulnaz Karataş) de eşkerayîye daye û nê pare kerdî:

''Ma sembola rindîye û azadîye û fermandara bêhempa ya artêşbîyayîşê cinîyan  hemra Bêrîtane serrgêra şehadetê ci yê 28. de bihurmet yad kenê. Reyna teqîpkarê xeta Bêrîtane Gubetellî Ersoz, Sarya, Meryeme, Elefteya, Helîne Çerkez, Ronahî Alman û bi desan şehîdanê cinîyan ê qehremanan ê ke aşma teşîran verêne de şehîd bîyî û heme şehîdanê xo anê vîrî û Rayber Apoyo ke na raştîya têkoşînî ya cinîya kurde afernaye ma ey selam kenê.

1992 de hetêkî ra hêzê mîyanneteweyî hetê bînî ra xeta teslîmîyet û hemkarî hêrişê têgêrayîşê ma kerdêne. Kênaya kurde ya egîde Bêrîtan a gerîlaya têkoşînê azadîye yê PKKyî ramojna heme dinya ke cinî û şarê kurdî çirey teslîm nêbenê. Bêrîtane bi nê vindertişê xo raştîya têkoşînî ya tarîxî ke Besê û Zarîfeyan ra mîras girewte kirişte ameyoxî û bîye sembole. Vera vengdayîşê hêzanê PDKyî yê teslîmîyetî aye xo teraşî ra eşte ware û bîye vendayîşê têkoşînî. Rayber Apoyî semedê yadkerdişê Bêrîtane şehadetê ci ra serrêke dima artêşbîyayîşê cinîyan îlan kerd.

Atêşbîyayîşê cinîyan ê kurdan o ke rêça Bêrîtane de bi serran o pîl beno ewro çar perçeyanê Kurdîstanî de destanan nuseno, bîyo çimeyê hevî  û xelisnayîşê yê cinîyan û şaran. Cinîyê kurdan dest pêkerd ke xeta cuya bianore kenê sîstemêk ke no sîstem ewro terso tewr pîl yê hêzanê kapîtalîstan o.

Ewro zî sey dewamê Kopmloyê 9ê Teşrîna Verêne sere de vera Herêmanê Pawitişî yê Medya serkêşîya AKP û PDKyî de vera Vakur, Rojawan, Başûr û Rojhilatê Kurdîstanî hêrişî yenê kerdene. Şarê kurdî yo ke xeta têkoşînî xo rê sey felsefeya cuya yew rayîrî girewto ewro Rojawan de bi Zîne û Dîlovanan, Rohilat de bi Şîrîne Elemhuyîyan û koyan de bi Esmere, Nucane û Zelalan têkoşînêko efsanekî yeno rayraberdene.

Manîfestoyê azadîye û xoverdayîşî yo ke kênayêka kurd a dersimîje koyan de nuşt bi tewirê ciwîyayîşî yê kurdan. Xoverdayîşê Efrîn, Serêkanîye û Heftanîn de na raştîye zelal ameye dîyene. Gerîlayê YJA Starî bi nê hêzê manevî çarçewa Dem Demê Azadîye yo de sey hêzê serkêş û çalakîkerî têkoşînî pîlêr kenê.  Xeyalê me yê Kurdîstano Azad û Rayberîya Azade do bêro caardene. Ma reyna şexê Bêrîtane de heme şehîdanê xo bihurmet yad kenê û sozê serkewtişî newe kenê. Ma sey Artêşa Cinîyan ê Azadan  YJA Starî veng danê heme ciwan û cinîyan ke wa xeta Bêrîtane de têkoşînî pîlêr bikerê ke serhildanê azadîye bireso serkewtişî.''