Fermandarîya Qerargahê Merkezî yê YJA Starî derheqê Komployê 15ê Sibate ke vera Rayberê Şarê Kurdî Abdullah Ocalanî ame kerdene de eşkerayîye daye.

Eşkerayîye wina ya:

''Afernayoxê têkoşînê demokrasî û azadîye yê şarê kurdî Rayber Apo pê komployê tewr pîlî yê se serra 20. ame tepiştene û 23 serrî yo Îşkencexaneyî Îmraliyî de yo. Ma nê komployo ke şexsê Rayberîya ma de vera heme merdimîye, şarê kurdî û cinîyan sey îmha û tasfîyekerdişî ame kerdene, lanet kenê û sozê qerardarîya pîlkerdişê têkoşînî newe kenê. Şehîdê fedayîyê yê 'Şima nêeşkenê tîja ma tarî bikerê' ê ke vera komplokeran dormeyê Rayberîye sey çeperê adirî girewt û ganê xo feda kerd, ma înan bihurmet û minet yad kenê.

Komployo ke 15ê sibate ya 1999î de ame kerdene kewt serra 23ine. Beşik o ke vera nê komployî ke pê paştdayîşê hêzanê mîyanneteweyî ame kerdene cewabo tewr pîl Rayberîya ma da ke vera heme îşkenceyan xover da û game pîle eştî. Reyna şehîdê ma yê ke bi qerardarîya pîlê şer kerd û şarê ma cewabê komployî da. Amerîka, welatê Yewîya Ewropa û Îsraîlo ke waşt komplo goreyê înan bêro rayraberdene hetkarîya tewr pîle kurdanê hemkaran ra girewto. Senî ke tarîxî ma de xeylêk rey ame qewimîyayene hêzê ke nêeşkenê verê têkoşînê kurdan bîgêrî xeta xayînîye û hemkarîye fînene dewre ke netecî bîgerê. Tay partîye ke îdîa kenê ke şarê kurdî temsîl kenê  komployê vera Rayberîya ma de rolo zelal kay kerd. Nika zî yeno waştene ke eynî xeta hemkare ya kurde semedê polîtîkaya qirkerdişî ya dewleta tirke ke pê paştdayîşê hezanê hegemonan têgêrena, bêro şuxulneyana.

Ewro hukmato faşîst ê AKP-MHPyî hêrişê vera Herêmanê Pawitişî yê Medya keno ke no eşkera yo ke nê hêrişî semedê îşxalkerdişê Başûrê Kurdîstanî yenê kerdene. Rixmê nayî hêzê Başûrê Kurdîstanî vera nê hêrişan nêrazîbîyayîş ranêmojnenê. Herinda nayî cehd kenê nê hêrişî sey meşru ramojnê. Serrgêra 23. ya komployî de vera Garê operasyono leşkerî yo ke ame destpêkerdene yeno manaya aktuelkerdişê komployî.  Nizdîbîyayîşo vera Rayberîya ma ke hêvîya heme şaran a, nizdîbîyayîşê vera înanê ke têkoşînê azadîye û demokrasîyî danê, şarê kurdî Têgêrayîşê Azadîye yê Kurdîstanî yo.

Dewleta tirka ke qerardara ke qirkerdişê kurdan bikero bitaybetî serra 2015î ra nata tecrîdê serê Rayberîye zafêr xorî kerd û vera şar û têgêrayîşê şarî hêrişî zêdînayî. La Mîlîtananê fedayîyan ê Rayber Apoyî   gerîlayê HPG û YJA Starî xoverdayîşê destankî nuştî.  Vakurê Kurdîstanî ra heta Herêmanê Pawitişî yê Medya bêmabên çalakîyî yenê kerdene. Gerîlayan têna artêşa tirke pûç nêvete eynî wextî de reyna ramojna ke ê bin nêkewnê. Heftanîn de xoverdayîşo ke serkêşîya YJA Starî de ame kerdene rayapêroyîya ya dinya veng da û zerrîya şaran de ca girewt.  Nê xoverdayîşî waştişê dewleta tirke û paştgêranê ci yê hemkaran qirrika înan de verda.

Hemleya  ya 'Tecrîd, faşîzm, îşxalî rê bes o; Wext wextê azadîye yo'  ya ke serkêşîya KCKyî de ameye destpêkerdene koyan de serkêşîya YJA Starî de pê çalakîyanê bêhempayan ê gerîlayanê fedayîyayan, çar parçeyanê Kurdîstanî de û heme dinya de serkêşîya cînîyan de pîya şaranê dostan  roje bi roje bena pîl. Azadîye Rayber Apoyî hîna bîya azadîya heme şaran û hetê her kesî ra yena wayîrvejîyayene. Çalakîyê  ke 27ê teşrîna peyêne de zîndanan de dest pê kerd reyna ramojna dost û dişmenan ke ça beno wa bibo senî beno wa bo cuya bê Rayberîye çirey nîna qebulkerdene.

Ma xoverdayîş, şerkerdişê fedayîkîyî Rayber Apoyî ra musayî. Têkoşîno bêmabên ê Rayberîya ma hêvî û hêz dano heme şaranê ke semedê azadîye û şer kenê û xover danê. Ma qerardarê ke ma do nê têkoşînî rê serkêşîye bikerê, xoverdayîşê Rayberîya xo rê layîq bê û têkoşînî tacîdar bikerê. Ma verî hêzanê komlokaran û paştgêranê înan ê hemkaran ra do  hesab bipersê. Ma Zîlankî, Semakî, Doga û Zinarckî cuya bê Rayberîye qebûl nêkerê; rêça Sara, Delale, Agîte, Yilmaz, Zîne û Semayan de wextêk biafernê ke Rayberîye reyde cuya azade de bêrê tehet. Hînî Wextê Rayberîye reyde Kurdîstanê Azadî de ciwîyayîşî yo.''