Fermandarîya Qerargehê Merkezî ya YJA-Starî nasnameyê şehîdêke eşkera kerd. Eşkerayîye wina ya:

''Ma hemraya Rayber Apoyî, ewlada şarê Mêrdînî ya qehremane, milîtana PKK-PAJKî ya serkêşe û Endama Konseya Fermandarîya YJA-Starî embaza ma Medya Egîd-Beraate Afşîn serrgêra şehadetê ci de, bi rêzî yad kenê. Embaza ma Medya 19ê teşrîna peyêne ya 2019î de Herêmanê Pawitişî yê Medya de netîceya hêrişanê dewleta tirke de şehîd bîye. 

Embaza ma Medya sey fermandarêka eşiqa azadîye xeta Rayber Apoyî de bêteredût şîye. Ma sey embazanê ci soz danê ke armancanê aye ser bivisnê, bi qerardarî Şorişê Cinîyan û Neteweya Demokratîke awan bikerê. Keyeyê Afşînan o ercîyaye ke hîrê şehîdî dayê têkoşînê azadîye ma ci rê serweşîye wazenê. Ma şarê Mêrdînî û pêro Kurdîstanî yê welatperwerî rê û cinîyan rê serweşîye wazenê.

Nasnameyê embaza ma Medya wina yo:

Embaza ma Medya Egîd Nisêbîn de dadîya xo ra bena. Dima ke birayê ci Tolhildan Egîd 1995 de şehîd bîyo a tewra xebatanê ciwanan bena. A wextê karanê milîsîye de tepişîyena û wextêk zîndan de manena. A dima ke zîndanî ra vejîyena, 1994 de verê xo dana koyan.

A eyaletê Mêrdînî de dest bi gerîlatîye kena, dima verê xo dana Botan û Herêmanê Pawitişî yê Medya. A wextê hêrişanê DAÎŞî de embazan rê fermandarîye kena, Mexmûr û Kerkûkî ra dima azadkerdişê Şingalî de zî rolê xo ana ca. A dima agêrena koyan û asta Konseya Fermandarîya YJA-Starî de xebatanê xo rê dewam kena.

1999 de waya aye Çîçeke Mêrdîn de şehîd bena. Embaza ma Medya bi nê şehadetan hîna bi hêrsî tewra xebatan bena. Embaza ma Medya tim seba ke biba layîqa şehîdan û Rayber Apoyî têgêrena.

Embaza ma Medya bi qerardarî û mesuldarî pêro erkanê xo ana ca. Ma zî soz danê ke do bibê layîqê şehîdan, hesabê pêro dejanê şarê xo bipersê û bibê layîqê şehîdanê xo.''