YJK-E vera hêrişanê Dewleta Tirkan seba çalakîyanê 2ê Teşrîna Peyêneyê Roja Rojawanî ya Dinya vengdayîşê tewrbîyayîşî da. Beyanat de ame vatene ke çarçeweya slogana 'Azadîye hewn nîya' de no xoverdayîş do bêro pêtkerdene.
Yewîya Cinîyan a Kurdistan a Almanaya (YJK-E ) Almanya de bi wesîleyê 2ê Teşrîna Peyêne Roja Rojawanî ya Dinya beyanatêk da.
Beyanat wina yo: "Kobanê vera tarîtîye roşnî ya, vera koletîye azadî ya, vera teslîmîyetî xoverdayîş a. Bawerîya bi azadîye, têdûştî û dinyayêka rinde hewnêk nîya. Şorişê Rojawanî no bi azadkerdişê Reqa tacîdar kerd. Nê destkewteyanê şarê Kurdan tewr zaf DAÎŞ û paştdayoxê ci AKP-qesre eciz kerd.
Dewleta Tirkan vera rayberê ma, sazkerdoxê Şorişê Rojawanî dest pê tecrîdêko giran ê vera merdimîye kerd. Serrgêra komploya mîyanneteweyî ya 9ê teşrîna peyêne de hêrişê Rojawanî kerd. Sere de welatanê Ewropa de her cayê dinya de şarê ma bi çalakîyanê xo dormeyê Rayberî de bibî yew û seba Rojawanî weriştibî payan ser. Bi wesîleyê 2ê Teşrîna Peyêne Roja Rojawanî ya Dinya ma şehîdanê Rojawanî bi rêzdarî yad kenê.
Beyanat de ame vatene ke çarçeweya slogana 'Azadî hewn nîya' de sere de cinîyî û her keso ke cuya têdûşte wazeno, do xoverdayîşî pêt bikê. Bi nê armancî veng ame dayene ke her kes seba Rojawanî wurzo payan ser û tewrê çalakîyan bibo.
