Yewîya Cinîyan ê Kurdan a Almanya (YJK-E) wayîra ‘Vengdayîşê Haştîye û Komelê Demokratîkî’ yê Rayber Apoyî vejîyaye û venga cinîyanê Almanya da ke beşdarê çalakîyanê 8ê Adare bibê.

YJK-E vat: ‘’Cinîyî vera bindestîya bi hezaran serran 8ê Adare sey mîladê serewedaritişî vînenê. Ma 8ê Adare de bi şîarê ‘Jin, Jiyan, Azadî’ waran de bê.

Têkoşînê cinîyan hinî global bîyo. Cinîyî dormeyê felsefeya ‘Jin, Jiyan, Azadî’ de xo rêxistin kenê û vera îqtîdaranê bi serdestîya camêrdan şerê nasname û azadîye kenê. Çalakîyê 8ê Adare yê emserînî zî ganî bibê çalakîyê caardişê azadîya Rayber Apoyî. 

Sey YJK-E ma do wayîrê Vengdayîşê Haştîye û Komelê Demokratîkî yê Rayber Apoyî vejîyê têkoşînê xo yê awankerdişê komelê demokratîkî û haştîye pîlêr bikerê. Ma caardişê azadîya Rayber Apoyî bikerê esasê xebatanê xo. Ma venga pêro cinîyanê Almanya zî danê ke bi şîarê ‘Vizêr zî ewro zî siba zî hertim şorişê cinîyan’ tewrê çalakîyan bibê.’’