Belçîka, Fransa û Almanya de vera komploya mîyanneteweyî çalakî yenê organîze kerdene. Vervatoxa Tevgerê Cinîyan yê Kurdî yê Almanya (YJK-E) Yildiz Ekîcî seba çalakîyanê 9 û 13ê teşrîna verêne veng da kurdistanijan û dostanê ci.
Vervatoxa YJK-E Yildiz Ekîcî da eşnawitişê ke ê bi sloganê‘ Rayber Apoyî rê azadîye‘ çalakîyan organîze kene û mesajê dane ke şarê kurdî heta azadîya Rayber Apoyî û Kurdîstana azade têkoşîn rê do dewam bikero.
Ekîcî eleqa ant muhîmînê rolê Ocalanî ser û va: ‘‘Felsefeya Rayber Apoyî tena seba şarê kurdî nê seba şaranê Rojhelatê Mîyanên zaf erjaye ya. Kurdan xetê Rayberê xo têkoşînêko xurt da û xeylê qezencê vistî destî. Bitaybetî de zî cinîyan rêçê Rayber Apoyî de xêristinbîyayîşê xo girde kerde û ewro sîyasî, leşkerî û komelkî rayverîye kenî.
Vervatoxa YJK-E Yildiz Ekîcî seba tewrbîyayîşê çelakîyan veng da û va:‘‘ Rayberîya Tevgerê Cinîyanê Kurdî yê Ewropa bi sergêrra 20. ya Komploya Mîyanneteweyî de 9ê teşrîna verêne de paytextanê Ewropa Bruksel û Strasbour de çalakîyê ameyî organîze kerdene, ma do Almanya ra tewr nê çalakîyan bibî. Reyna Almanya de zî 13ê teşrîna verêne de Dusseldorf, Berlin, Bremen, Hannover, Mannheim û Frankfurt de rayîrraşîyayîş û mîtîngî do bêrî viraştene. Ganî sere de cinî şarê kurdî û dostî tewr nê çalakîyan bîbî û mesajê berzkerdişê têkoşînî bîdî.
