Merkezê Çapemenî û Îrtîbatî yê YPJ’yî bi eşkerayîyêka nuştekîye  da zanayene ke Dîlovan Gevere ( Dîlan Olmeze) 13’ê Teşrîna Verêne de gama ke Girê Spî de xoverdayîşê şervananê QSD’yî yê vera hêrişê îşxalî yê dewleta Tirkî teqîp kerdêne pîya bi grûbêka hemrayanê xo şehîd bîye,

Eşkerayîye de ame vatene ke  Dîlovan Gevera ka Colemêrgî ra ya wextê Xoverdayîşê Kobanê de unîversîte ra veng da vengê Kobanê û verê xo açarna Rojawanî û heta serkewtişê Kobanê mewzîyanê Kobanê de mende.  YPJ’yî da zanayene Dîlovane 3 serrî  xebatanê çapemenîye de ca girewt û muxabîrîya şerî kerde. Tewr peynî de zî verê xo da Girê Spî û gama ke xoverdayîşê embazanê xo antêne hêrişê hewayî de şehîd bîye û va: ‘‘Hemraya ma Dîlovane bîye teqîpkarê hemrayanê ma Agîrî, Eylule, Şîlane û Rohenda. Ma hemraye û muxabîra şerî ya rojanê çetinan bihurmet yad kenê û soz danê ci ke kamera û pênusê aye do tim destê ma de bî. Ma  keyeyê embaze Dîlovane û şarê xo yê xoverdayoxî rê serweşîye wazenê û vanê ke xoverdayîş do şarê ma biresno serkewtişî.‘‘