Fermandarîya Pêroyî ya YPJî eşkerayîya nuştekîye daye. Eşkerayîye de bale ameye antene newera ganîbîyayîşê DAÎŞî ser û semedê xurtkerdişê têkoşînê vera îşxalî ame vengdayene.

Eşkerayîye de nê ameyî parekerdene: ''Sey konseptê hêzanê mîyanneteweyîyî tay çeteyê dewleta tirke û hêzo sey HTŞyî bê asntengkerdişê resayî Şamî. Rejîmê  Baasî yê 61 serran zereyê 12 rojan de rijîya. Eke îdareyê Esadî semedê demokratîkerdişê Sûrîye gamî bieştêne ewro wina nêbîyêne.

Bêşik berpirsîyarê rewşa şerî ya ke şarê Sûrîye de 13 tede yê, Tirkîya ya. Nê demî de dewleta tirke û çeteyanê ci tim hêrişê Rojawanî kerd. Nika zî çeteyê SMOyî yê ke çeteyê DAÎŞî yê hêrişê Rojawanî kenê. Hêzanê ma ke serkêşîya YPJyî de warê ma DAÎŞî ra kerdî pak, herêma ma semedê heme şaran û bawerîyan kerd warê hûzûr û refahî. La no warê îstîkrarî hedefê hêrişan de yo. Na herra ke serkêşîya YPJyî de ke artêşa cinîyan û şaran a, yena pawitene reyna bi tehdîtê DAÎŞ û dewleta tirke rî bi rî ya.

Dewleta tirke hetêkî ra bi hêriş kena hetê bînî ra bitaybetî waranê Reqa, Tebqa û Dêrazorî de komelê erebî, eşîran û tay grûban tehrîk kena ke vera hêzanê ma hêriş û provokasyonan bikerê. Ma sey YPJyî sere de cinîyê ereban veng danê heme komelê xo ke wa nê kayana mexapîyê.

Sey leteyêkê nê konseptê hêrişan MÎT wazeno hêrişê hepisxaneyanê ke binê kontorlê ma de yê û çeteyê DAÎŞî tede yê û Kampa Holî bikero. Hepisxaneyê ke HTŞyî veng kerdî nînan ra tay çeteyê DAÎŞî ameyî veradayene.Coka herêma ma binê tehdîtê DAÎŞî de ya. Rîsko zaf gird o ke Sûrîye de kontrol bikewo destê DAÎŞî ya zî zîhnîyetê DAÎŞî. Dewleta tirke û çeteyê ci wazenê hêrişanê xo vera Kobanê dewam bikerê û heme Rojawanî îşxal bikerê. Ma do heta peynî xover bidê. Ganî şarê ma xoverdayîşî xurtêr bikero û berpirsîyarîya xo ya tarîxî bîyaro ca.

Heme dinya de xoverdayîşê YPJyî yeno wasifnayene. Ewro roja wasifnayîşî nê, roja xoverdayîşî ya. Ganî heme dinya de refê xoverdayîşî bêrê hîrakerdene, têkoşîn bêro xurtkerdene û vilakerdene ke hêrişê dewleta tirke ya îşxalkere bêrê vindarneye û tira hesab bêro persayene.''