Vervatoxa YPJyî Rûksene Mihemed, Vervatoxa Çapemenîye ya YPJyî Rûkene Cemal û Berpirsîyara Ofîsê Têkilîyanê bi Şarî Lena Hisên kombîyayîşêkê çapemenîye da. Di cinî û domêka kêna zî tewrê eşkerayîye bîyî ke nê destê DAÎŞî ra hetê YPJyî ra ameyî xelisnayene.

Rûksene Mihemed vist vîrî ke 3yê Tebaxe serrgêra Fermanê 74inî ya û va: ''Ferman de bi hezaran doman û cinîyî ameyî esîrkerdene, raştê tecawuzî ameyî û raştê tedayan ameyî. DAÎŞî Şingalmde qirkerdişêko pîl kerd. YPG-YPJ û gerîlayî wexto ke resayî Şingalî pêşmergeyê PDKyî remaybî. Pawitişê şerwan û gerîlayan ra nêbîyêne qirkerdiş asta tewr pîle de do bêro kerdene.

Ma serra 10ine de soz danê ke pêro cinîyan sere de cinîyanê êzidîyan bipawê. Heta ke ma destê DAÎŞî ra pêro cinîyan ê êzidîyan bixelisnê û bîyarê Şingalî ma do tekoşînê xo rê dewam bikerê.''

Rûksene bale ante hêrişanê dewleta tirke yê ver aŞingalî ser û vat ke wa şarê Başûrî verê hêriş û plananê dewleta tirke de hişyar bibo.

Cinîyan ê êzidîyan Ezîze Xalîd Elî (25) û Tewaf Dawud Çeto yê ke hetê YPJyî ra destê çeteyan ra ameyî xelisnayene,  çîyê ke ameyê sereyê nînan vatî û YPJyî rê zî sipas kerd.