Endama Heyetê Rayberdişî ya TEV-DEM'î Foza Yûsife tewrê bernameyê Aktûelî yê Jin Tv'yî ke Aysel Avesta pêşkêş kerdêne bîye û serê hêrişanê peyênan qisey kerd. Yûsife veng da şarê Kurdî ke hîna zêde wayîrê xoverdayîşî bivejîyê.

Dewleta Tirkî Çîyo ke Dest ra Bêro do Bikero

Yûsife da zanayene ke dimayo ke hêrişê dewleta Trikî yê bitaybet Serêkanîyê û Girê Spî de çêtin bîyê vizêrî ra nata Mibic û Kobanê de zî şer dest pêkerd û va: "Dewleta Tirkî xo amade kerd ke wextêko kilm de netîce bigêra, serkewtişê xo yê leşkerî nîşanê dinya bide. Roja 8'ine derbas bîya ke dewleta Tirkî û çeteyê ci nêeşkayê ser bikewê. Leşkerî û çeteyî vila benê, zafê înan cepheyan teriknenê û remenê. Verê nê pêvînayîşan ê heyetê DYA, Tirkîya lezabez wazena encam bigêra, binpaykerdişê huqûqê mîyanneteweyî zî tede, destî ra çi bêro bike. Xebitnayîşê çekanê kîmyewîyan zî tede her ca de sucê şerî kena.

Wa Her Wareyê Ewropa Cayê Çalakîyan Bo

Ganî şarê ma payan ser bo. Senî ke şervanê ma yê mêrxasî 8 rojan ra nata ra nêkewenî û destê înan de çekanê înan destan nusenê, ganî kesêk ranêkewo û payan ser bo. Ganî şarê ma verê pêroyê sefaretxaneyanê Ewropa, Amerîka, verê seferatxaneyanê Rojakewtena Mîyanêne û verê NY'yî de nawnayîşanê protestoyî bikero. Hewceyê şervananê ma bi hetkarîya şarê ma esto, ganî ma înan têna nêverdê. Êyê ke înan Hevrîne înfaz kerde, wazenê azadîya cinîye û sîstemo averkerde çin bikê. Naye ra ganî ma hêrişan cidî bigêrê dest, dezgehê sey Xaça Sûre û doktorê bêsînorî bikewê têgêrayîş."

Roje Roja Pîlkerdişê Xoverdayîşî Ya

Roje roja yewîya cinîyan a. Ganî her kez wayîrê azadîye û wijdanê xo bivejîye. Ma do nê xoverdayîş pê serkewtiş pîl bikê. Naye ra ganî ma bi tewirêko hempar wayîrê xoverdayîşî bivejîyê. Xoverdayîşê ma wayîrê nê hêzî yo ke DAÎŞ û faşîzm her ca ra çin bike. Senî ke ma DAÎŞ çin kerd, ma do Erdogan û çeteyanê ey zî çin bikerê ke wazenê DAÎŞ ganîye bikê. Nêrazîbîyayîşê ke heta nika ameyî meydan, baş bîyî, ez sipasdarîya xo pêşkêş kena. La ganî ma nê hêz pîlêr bikerê."