Medyaya Rojhelatê Kurdîstanî da zanayene ke Zîndanê Evîne de 27 cinîyan rê cezaya ‘’hîrê hewteyan wa heqanê xo yê bingeyîyan rê bêpar bimanê’’ dîyaye. Mîyanê nê tepişteyan de Pexşane Ezîzî û Werîşe Mûradî zî est ê.

Goreyê ‘’ceza’’ cinîyê tepişteyî hîrê hewteyan do nêeşkê şorê pêvînayîşan û teberî ra werdî bihêrînê.

Ame parekerdene ke seba ke mergê dadgerêkê îşkencekerî yê îranijî ra dima cinîyan deyîre vata na ceza dîyaye înan.

Nameyê cinîyan ê tepişteyan wina yê: Arzu Azram Safat, Şîwa Îsmaîlî, Samane Esxerî, Rayhana Ensarinejad, Gulrox Îrayî, Sakîne Perwana, Farûx Taqîpûr, Meryem Hacî Hisênî, Nahîd Xudaco, Azam Xizrî Cewadî, Lian Derwîş, Mehbube Rezaî, Hamraz Sadiqî, Zehra Sefayî, Mulud Sefayî, Meşhod Seydal, Pexşan Ezîzî, Mesume Esgerî, Merziye Farisî, Îlahe Fuladî, Spîde Qilyan, Werîşe Mûradî, Nêrgiz Mensurî, Tahêre Nurî, Huura Nîkbext û Meryem Yehyewî.

Di dadgerê bi nameyanê Muhammed Mukîsa û Alî Razînî 18ê çeleyî de Tehran de bi suîkastêkî ameybî kiştene. Nînan ra Mukîsa bi îşkenceyanê xo şinasîyeno û lîsteya reşe ya Yewîya Ewropa û Amerîka de bibi.