Komîsyonê Xebatanê Cînsîyan û Komeleya Huqûqnasan ê Hemdeman (ÇHD)  Zîndanê Cinîyan ê Sîncanî de çarçewa 25ê Teşrîna Peyêne Roja Têkoşînê Vera Şîdetê Serê Cinîyan de zîyaret kerd û raporêk amade kerd.

Rapor de ca dîya nê binpaykerdişanê heqan:

-Pêvînayîşî yenê astengkerdene.

-Tepişteyan da zanayene ke ê pêvînayîşê onlineyî, koxûşanê xo de kamera nêwazenê. Tepişteyan îfade kerd ke bi nê hawayî sîstemê kamera do mehkemeyan de zî bêro xebitnayene û dima zî koxûşan de tecrîdo mutlaq bêro caardene.

-Berhemê kantînî vay ê.

-Kitab û rojnameyî nêdîyenê.

-Kargoyî bi hefteyan nêdîyenê tepişteyan.

-Werdê zîndanî pakî û bisihet nîyê û goreyê tepişteyan ê nêweşan werde nêdîyenê.

-Koxûşî nênê germkerdene.

-Tepişteyê nêweşî nênê weşkerdene.

-Awa zîndanî gemarin a.

-Hacetê sey prîzî nêxebitîyenê û seba şitişê kincan makîneya tepişteyan çin a.

Peynîya raporî de ame parekerdene ke tay tepişteyan vera tecrîdî Zîndanê Sîncanî de dest pê grevê vêşanîye kerd. ÇHDyî îfade kerd ke pê nê caardişan tecrîd normalîze beno.