Mehkemeya Ceza ya Girane ya 9. ya  Amedî de roniştişê qerarî yê wekîla verêne ya hemserekanê Farqînî Zuhale Tekîner ame kerdene.

Avûkatê Tekînere Abdulkadîr Guleçî pawitişê xo de vat: ''Dozger vatişê şahîdê mîyanî esas geno û goreyê naye ceza wazeno la vatişê şahîdê mîyanî yewbînan nêtepişenê. Xora bê nê îfadeyê zî dosya de delîlêk çîn o. Bi raporê merdimanê zanayan  zî ame îspatkerdene me muwekîla mi propaganda nêkerda. Coka seba ke sûcê muwekîla mi çîn o ganî serbest bêro veradayene.''

Mehkeme seba ke serranê 2015 û 2016î de tewrê çalakî û aktîvîteyan bîya, bi îdîaya ''endamîya rêxistine''  cezaya 7 serran û 6 mengan û bi îdîaya ''propagandaya rêxistîne'' zî cezaya  1 serre û 6 mendan  daye Tekînere.