Paytextê Swêdî Stockholm de, şaristanê Gotebor, Orebro, Gavle û Soderhamn de hêrişê dewleta tirke yê vera şarê kurdî pê çalakîyan ameyî protestokerdene.

Paytext Stockholmî de cinîyanê kurdîstanijan Bexçeyê Qiralî de çalakîye kerde. Çalakîye de pê dowîzan ame waştene ke hêrişê vera Başûrê Kurdîstanî bêro vindertene û pankarta bi nuşteyê ''Dîktator Erdogan'' ameye akerdene. Komêka kurdîstanijan Meydanê Sergelstorgî de zî pirdêk de alayê PKKyî, KCKyî û flamayê Rayberê Şarê Kurdî Abdullah Ocalanî berz kerdî û hêrişê dewleta tirke protesto kerdî.

Goteborg, Orebro, Gavle û Soderhamnî zî hêrişê dewleta tirke pê çalakîyan ameyî şermezarkerdene. Venga Îdareyê Herêma Kurdîstanî ame dayene ke hemkarîya dewleta tirke ra fek vera bido. Merkezê Komelê Kurdî yê Demokratîkî da zanayene ke ê do her çarşeme û îne pê çalakîyan hêrişê dewleta tirke protesto bikerê. Seba tewrbîyayîşê çalakîyan venga cinîyan û dostan ame kerdene.