Hemserekê KNKyî Ahmed Karamus, Endamê KNKyî Alî Matur, sîyasetmedar Faysal Sariyildiz, Hozan Şemdîn, Temsîlkarê MLKPyî Huseyîn Yeter, Mehmet Goksungur û Maya Haştîye Zahîde Efrîn derheqê rayraşîyayîşê dergî yê 3 rojan de ANFyî rê qisey kerd.

Hemserekê KNKyî Ahmed Karamus: Çar parçeyanê Kurdîstanî ra demokrat, kesayet û merdimî tewrê na çalakîye bîyî. 100 serrî verî Lozan de peymanêke ameye îmzakerdene û Kurdîstan ame kerdene 4 parçe. Ma waşt bi yewrengî vajê 'Kurdî netîceya na peymane ra razî nîyê.' 

Endamê KNKyî Alî Matur: Rayraşîyayîşê ma vizêr Lozan de dest pêkerd. Lozan de Kurdîstan kerd çar parçe. Kolonyalîstî bika zî bi heman hawayî wazenê Kurdîstan çin bikerê. Dewleta tirke wazena Başûrê Kurdîstanî îşxal bikera. Dewleta tirke PK bahane kena la armancê ci îşxal o. ma do vera ney têkoşînê xo rê dewam bikerê.

Sîyasetmedar Faysal Sariyildiz: 100 serrî verî peymanêke ameye morkerdene. A roje ra nata kurdî yenê qetilkerdene. Ma bedelê giranî dayî. Nika dewleta tirke wazena Peymana Lozanî newe ra derg bikera û era kurdan polîtîkayanê faşîstan ana ca. Seba ke Ewropa rê teda bêra kerdene çalakîya ma zaf girîng a.

Maya Haştîye Zahîde Efrîn: Vera zulm û îşkenceyî dadîyî xo ver danê. Şarê kurdî şer nê edalet, silametî û demokrasî wazenê. Ma pê fikranê Rayber Apoyî pîl bîyî. Vera ê kesanê ke wazenê azadîya ma bidiznê ma do têkoşînê xo rê dewam bikerê.

Hozan Şemdîn: Ma 10ê temmuze ra nata Lozanî ra ver bi Cenevre rayîrî ra şinê. Ma do 12ê temmuze de verê Merkezê Neteweyan ê Yewbîyayeyan de çalakîya xo biqedînê û mesajê xo bidê. Kurdîstan tîya de bi çar parçe, ma do vajê ney qebul nêkenê.

Temsîlkarê MLKPyî Huseyîn Yeter: Kurdîstan Lozan de bi çar parçe. Serî ra 100 serrî derbaz bîyî la emperyalîstî hema zî sey verî yê. Kurdî eşkenê hînî pê têkoşînê xo statuyêk bivisnê destî. Rayîrê azadîye têna pê xoverdayîşî yeno amadekerdene. Çalakîya ma zî parçeyê ney o.

Mehmet Goksungur: 3 rojî ma rayîrî ra şinê. Cenevre de verê Neteweyanê Yewbîyayeyan de çalakîya ma pê rayraşîyayîş û nawnayîşî biqeda.