Grevê vêşanîye yê bêdem-bidorî ke seba azadîya Rayberê Şarê Kurdî Anbdullah Ocalanî Kampa Lavrioyî ya Yunanîstanî de yeno kerdene hetê koma 34. ra ame dewrgirewtene..

Bi nameyê koma eşkerayîye ameye dayene. Çalakwanan xoverdayîşê gerîlayan selam kerd û veng da ke wa her kes dormeyê xoverdayîşê gerîlayan û Îmrliyî de bêro têhet. Eşkerayîye de hemkarîya PDKyî zî ameye şermezarkerdene û ame vatene ke sey Garê herêma Avaşînî de zî do gerîlayî ser bikewê û dewleta tirke û PDK bin bikewê. Çalakwanan vat xoverdayîşê kurdan sey vizêrî ewro û siba zî do dewam bikero. Reyna hêrişê vera HDPyî zî ame şermezarkerdene û mesajê paştdayîşê HDPyî ameyî dayene.