Strasbourg çarçewa Hemleya ''Tecrîd, Faşîzm, Îşxalî rê Bes o, Wext Wextê Azadîye yo'' de çalakîya roiniştî ya ke vizêr ameye despêkerdene, ewro dewam kerde.

Her hewte çalakî do hetê grûbêka tede 30 kesî estê ra bêro dewrgirewtene. Hewteyê peyênî de do ciwanî û esntenasyonalîstî dewr bigerê. Çarçewa çalakîye de do dosyayê ke derheqê tecrîd, operasyonanê qirkerdişî û hêrişê îşxalî yê vera Kurdîstanî de ameyî amdekerdene biresê temsîlkaranê dezgehaê eleqedaran ê Ewropa.

Hemserekê KON-MEDî Tahîr Koçerî ke derheqê çalakîye de qisey kerd  vist vîrî ke heta nika şarê kurdî semedê azadîya Ocalanî senî têkoşîn kerd û vat ganî çarçewa hemleya newî de kurdî têkoşînî pîlêr bikerê.

Hemserekê FEDA Demîr Çelîkî zî bale ante hemleya KCKyî ser û vat azadîya Ocalanî azadîya şaran û îtîqatan a coka semedê ciwîyayîşê nansameyan, ziwanan û îtîqatan ganî Ocalan azad bo.

Çarçewa çalakîye de aktîvîteyê cîya cîya zî yenê kerdene. Ewro bi sernameyê ''Vera Faşîzmî Têkoşîno Hempar''î semînerêk ame kerdene.