Çalakîya roniştişî ya ke çarçewa Hemleya KCKyî de dîyaye destpêkerdene verê Konseya Ewropa de warê çalakîya nobete ya 'Ocalanî rê Azadîye' de dewam kena. Çalakîkerî wazenê ke Rayberê Şarê Kurdî Abdullah Ocalanî wa bêro azadkerdene.

Temsîlkarê dezgehanê kurdan, Tirkîya û Rojhelatê Mîyanênî tewrê çalakîyî benê. Çalakîkerî derheqê cuye, fikri tecrîdê vera Ocalanî de vilawekî kenê vila.

Warê çalakîya nobete bi dowîz, afîş, pankart û fotografê Rayberê Şarê Kurdî Abdullah Ocalanî ame xemilnayene.

Vizêr kurd û dostanê înan çalakîye zîyaret kerde û pare kerd ke ê parçeyêkê na hemle yê. Zîyaretdaran da zanayene ke wa Ocalan bêro azadkerdene.

Roja hîreyîne ya çalakîye de Konfederasyonê Karkeranê Tirkîya yê Ewropa (ATÎK) çalakîye zîyaret kerde. Merkezê Dostanî û Kulturî yê ATÎKî şan werde da û pare kerd ke paştdayîşo şorişgêr do bêro geşkerdene.

Reyna vizêr hunermendanê Federasyonê Komeleyanê Mereşî (MAR-DER) Hozan Emekçî reyde û hunermendanê TEV-ÇANDî çalakîye zîyaret kerd. Hunermendan çalakîye de deyîrî vatî, paştî daye çalakîkeran.