Çalakîya roniştişî ya ke vera îşxal û qirkerdişî şaristanê Strasbourgî de yena kerdene, hewteyê hîrêyînî xo dima verda. Çalakîya vizêrîne de Qikerdişê Dêrsimî û polîtîkaya asîmîlasyonî ya deweleta tirke gerîyayî dest.
Çarçewa Hemleya 'Vera îşxalî her ca Avaşîn, Metîna û Zap o, wext wextê azadîye yo' de rayberîya TJK-E û KCDK-E de şaristanê Strasbourgî yê Fransa de çalakîya roniştişî ke yena kerdene hewteyê hîrêyînî xo dima verda.
Hewteyê hîrêyînî de çalakîya ke hetê dezgehanê bawerî FEDA, CÎK, Koordînasyonê Êzidîyan ê Ewropa, MARDEF û dezgehanê cinîyan ê pabesteyanê TJK-E ra ameye rayraberdene de panelê cîya cîyayî ameyî kerdene.
Çalakîya vizêrîne de bi tewrbîyyîşê Kongreya Ronayîşî ya Dêrsimî ra Nedîm Yildiz û Hakan Aday û Komeleya vera Qirkerdişî ya Dêrsimî ra Alî Gulerî panel ame kerdene. Panel de Qikerdişê Dêrsimî û a roje ra heta ewro polîtîkaya asîmîlasyonî ya deweleta tirke gerîyayî dest. Reyna derheqê tecrîd, grevê vêşanîye yê tepişyan, hêrişê îşxalî yê dewleta tirke yê vera Kurdîstanî û qirkerdişê ci yê vera şarê kurdî de dosyayî teslîmê temsîlkarîyanê Rusya, Hollanda û Îngîlîstanî bîyî.
Çalakîya ke yeno plankerdene ke 4ê hezîrane de do biqedîyo roja dişemeyî do bi grûba newîye dest pêbikero.
