Çalakîya roniştişî ya ke bi armancê azadîya Rayber Apoyî verê Ofîsê  Neteweyanê Yewbîyayeyan (NY)  yê Cenevre de yena kerdene menga 49ine de dewam kena.

Çalakîya nê hewteyî de hêrişê îşxalî yê dewleta tirke û çeteyanê ci yê SMOyî ameyî protestokerdene. Çalakîye de de Bavê Teyar û şehîdê Tişrînî ameyî yadkerdene.

Endamê Hemserekîya KDK-E Nejdet Atalayî çalakîye de qisey kerd û pare kerd ke kurdî sey vizêrî rixmê bedelanê giranan zî xoverdayîşî rê dewam kenê û bale ante xoverdayîşê Tişrînî ser.

Atalayî vist vîrî ke Rayber Apoyî de pêvînayîşî yenê kerdene û vat ke seba caardişê haştîye ganî Rayber Apo azad bibo.

Çalakîye de venga pêro kurdîstanijan dîya ke ewro saete 15.00 de tewrê çalakîya bi serkêşîya YJK-Syî bibê ke do Meydanê Rathausbrucke yê Zurichî de bêra kerdene.