Seba ke Înîsîyatîfê Ocalanî rê Azadîye bibo globale her hetî ra ci rê tewrbîyayîşî dewam kenê. Înîsîyatîfê Ocalanî rê Azadîye bi eşkerayîyêka nuştekîye veng da ke wa her kes tewrê înîsîyatîfî bibo ke wa bibo global.

Eşkerayîye de ca dîya nînan: ''Polîtîkaya hêrişkarê ye dewleta tirke ya vera kurdan Tirkîya zî arde kişa kaşî. Dewleta tirke bêhuqûqîye ya ke Îmrali û Tirkîya de kena kiriştê warê mîyanneteweyî. Ewro welatanê ereban, Yewîya Ewropa, Konseya Ewropa, Neteweyê Yewbîyayeyî û NATO de problemê ci estê.

2014 de bi planê çokdayîşî Kurdîstan de gerîya rojdem û 2015 de tecrîdê vera Rayberê Şarê Kurdî Abdullah Ocalanî kewt dewre. Bêhuqûqîya Îmraliyî Kurdîstan û Tirkîya ra vila bi. Hukm hînî destê kesêk de yo.

21 serrî yo ke vera Rayberê Şarê Kurdî Abdullah Ocalanî rê tecrîd û îşkence yeno kerdene ke huqûqê mîyanneteweyî yeno binpaykerdene. Şarê kurdî bi serran o vera tecrîdî qîreno û azadîya Ocalanî wazeno. Tewr peynî Komîteya Vergirewtişê Îşkenceyî ya Ewropa CPT zî raporê xo yê aşma tebexa de eşkera kerd ke vera Ocalanî îşkenceyê tecrîdî esto.

Semedê hatşîya Kurdîstan û Tirkîya ganî tecrîd bêro wadaritene. Xora seba ke Ocalan haştîye wazeno tecrîd ame xorîkerdene. Coka maa veng dane heme kesanê ke hetê haştîye, demokrasî, edalet û azadîye de yê, heme dezgeh, roşnvîr, şexsîyet û rêxistine wa aktîf tewrê çalakîyanê azadîya Ocalanî bibê.

Çarçewa '10ê Teşrîna Verêne Roja Abdullah Ocalanî rê Azadîya Globale' de ma do bi şîarê 'demê ci ameyo, Ocalanî rê azadîye' û 'Ocalanî rê azadîye, wa îşxal û faşîzmê vera Kurdîstanî biqedîyê' vejîyê kuçeyan. Ganî her kes aktîf tewrê nê çalakîyan bibo.''