Almanya û Fransa de  serkêşîya aktîvîstanê TCŞyî de çarçewa Hemleya “Werin Cenga Azadiyê” çalakîyî ameyî kerdene. Çalakîyan tecrîdê serê Rayberê Şarê Kurdî Abdullah Ocalanî ame protestokerdene û azadîya ci ameye waştene.

Bajarê Hamburgî yê Almanya de mtîngêk ame kerdene. Çalakîye de azadîya Abdullah Ocalanî ameye waştene û xoverdayîşê gerîlayan ame selamkerdene. Qiseykerdişan de ame waştene ke wa xeta qirkerdiş û xayînîye ya vera Şingalî bêro qedînayene.

Bajarê Almanya Koln de zî seba balantişê serê tecrîdê Îmraliyî banê WDRyî de çalakîya bêîteatîya sîsvîle ameye kerdene. Polîsan verê ciwanan girewt. Ciwanan pê sloganan paştgêrîya Almanya ya seba Tirkîya protesto kerd. Ciwanan dima ra dosyaya xo teslîmê selahîyetdaranê dezgehî kerd û bi sloganan çalakîya xo qedînaye.

Bi eynî waştişî çalkîyêka bêîteatîya sîvîle zî  paytexrê Fransa Paris de verê Kuleyê Eyfelî de ameye kerdene. Ciwanan posterê Abdullah Ocalanî û pankarta girde ke ser o Ocalanî rê Azadîye nuştebi akerd û bi sloganan xoverdayîşî qîrayî.