Ewropa de çalakîyê vera tecrîdê Îmraliyî dewam kenê. Vizêr reyna Fransa û Swisre de kurdîstanijî û dostê înanê ke vejîyayî kuçeyan azadîya Rayberê Şarê Kurdî Abdullah Ocalanî waşte.

Bajarê Strasbourgî yê Fransa serkeşîya aktîvîstanê  Têgêrayîşê Ciwanan ê Şorişgêran (TCŞ) û TEKO-JIN de çalakîyêke ameye organîzekerdene.  Çalakîya ke ciwananê enternasyonalîstan zî paştî daye ci grubêka faşîste waşt ke hêrişê ci bikero. Çalakî de derheqê felsefeya Ocalanî tecrîdê serê ci de zanayîş ame dayene û bi sloganan azadîya Ocalanî ameye waştene û faşîzmê dewleta tirke ame şermezarkerdene.

Bi eynî waştişî çalakîyêke zî bajarê Solothurnî yê Swisre de ameye kerdene. Çalakîya ke hetê Komunê Cinîyan ê Pinare ra ameye kerdene de azadîya Ocalanî ameye waştene û hêrişê dewleta tirke yê vera Kurdîstanî ameyî şermezarkerdene.