Cinîyan ê Ciwanan ê Têkoşeran (TEKO-JIN) û Têgêrayîşê Ciwanan ê Şorişgêran (TCŞ)  Paytextê Fransa Paris, bajarê û Stuttgartî yê Almanya û bajarê  Solothurn û Zurihî yê Swîsre semedê azadîya Rayberê Şarê Kurdî Abdullah Ocalanî  tay çalakîyî kerdî.

Çalakîya Solothurnî de nameyê TCŞyî ser o Serhet Grêser qisey kerd û pare kerd ke hedefê ciwanan azadîya Ocalanî yo û seba çalakîya verê Konseya Ewropa venga her kesî da.

Zurih de zî ciwanan çalakîya xo de bi almankî pankarta 'Tecrîd, faşîzm û îşxalan rê nê pîya serewedaritiş' akerde.

Çalakîya ciwanan  Mantes La Jolie îstasyonê şaristanî de dest pêkerde û bi slogananê 'Biciwîyo Serek Apo' qedîyaye.

Reyna Paris de zî ciwanê ke semedê azadîya Ocalanî vejîyayî meydanan derheqê tecrîdî de vilawekî vila kerdî û mesajê pîlkerdişê têkoşînî da.,

Bi eynî waştişî Stuttgart de zî ciwanî serkêşîya nê wird rêxistinanê ciwanan de meydanan de bî.