London, Toronto, Strasbourg û Frankfurt de kurdîstanijî û dostê ci vejîyayî meydanan û înan darbeya AKP-MHPyî protesto kerde.

London

Meclîsê Şarê Kurdî yê Londonî û endamê ci verê bînaya serekwezîrîye de ameyî têhet û destsernayîşê wekilîyanê HDPyî protesto kerd. Çalakîye de posterê Leyla Guven ame berzkerdene û wina ame vatene: ''Rejîmê AKP-MHPyî şexsê Leyla Guven de cinîyanê kurdan keno hedef la têkoşînê şarê kurdî yê vera faşîzm û dîktatorîye dewam kenê.''

Wekîlê herêma London-Enfieldî Clark Demîrcîyî zî venga dewleta tirke da ke wa bira derheqê wekîlan de bêra batalkerdene û her di wekîlî zî bêrê veradayene.

Toronto

Şaristanê Toronto yê Kanada de zî darbeya AKP-MHPyî ameye protestokerdene. Çalakîye de pankartê şermezarkerdişê hêrişanê faşîzanan ameyî akerdene, posterê wekîlanê HDPyî û ê Bariş Çakanî ameyî berzkerdene.

Strasbourg

Şaristanê Strasbourgî yê Fransa de ê vengdayîşê TJK-E, Cinîyan ê Ciwanan ê Azadan û Têgêrayîşê Ciwanan ê Azadan pê şîarê 'Her roje Kurdîstan' çalakîye ameye kerdene. Çalakîye de sloganê 'Erdogan dîktator' û 'Biciwîyo Serek Apo' ameyî vatene. Rayraşîyayîş de vilawekî ameyî vilakerdene. Vervatoxê Konseya Ewropa yê HDPyî Faîk Yagizayî pare kerd ke hêrişê AKP-MHPyî armanc kenê ke têkoşînê kurdan biqedînê.

Frankfurt

Şaristanê Frankfurtî yê Almanya de aktîvîstanê Cinîyan ê Wendekaran ê Kurdîstanî (JXK) û Yewîya Wendekaranê Kurdîstanî (YXK) çalakîya xo de tepişîyayîşê wekîlanê HDPyî Leyla Guven û Musa Farisogullari şermezar kerdî. Aktîvîstan rayaumûmîye agahdar kerd û eşkerayîya ke Leyla Guven zîndanî ra erşawite, wende. Aktîvîstan seba têkoşînê vera faşîzmî veng da.