Çewlîg de wendekarê dewe perwerdeyê online ra îstîfade nêkenê

Wekîlê HDPyî yê Çewlîgî Erdal Aydemîrî da pêhesnayene meseleya înternetî ra dewan de wendekarî nêeşkenê perwerdeyê dûrî ra îstîfade bikerê.

Wekîlê HDPyî yê Çewlîgî Erdal Aydemîrî Meclîs de vernîyazêkê persî da û waşt ke Wezîrê Perwerdeyî cewan bido ci. 

Aydemîrî vat: ''Riyê pandemî ra wextêkê dergî ra nata perwerde bi hawayêkê online dewam keno. Ma zîyaretanê xo yê Çewlîgî de dî ke pêro dewan de na babete ser o mesleyî estê. Dewan de binawanîya înternetî çin a. Ma tesbît kerd ke wendekarî wayîrê îmkananê sey tablet û înternetî nîyê. Feqîrîye nê sîstemî de cîyakerîye virazena.''

Aydemîrî nê persî persayî:

-Dewan de şima do binawanîya înternetî virazê?

-Seba wendekaranê ke dersanê xo ra dûrî mendî şima do bernameyan bikerê?

-Xeylêk wendekaran rê hetkarîya tabletî nêameye kerdene. Derheqê na mesele de şima do xebatêke bikerê?