Şaristanê Strasbourgî de çalakîya nobete 'Ocalanî rê Azadîye' ya vera bînaya Konseya Ewropa hewteyê 403. de ya. Serekê Komelê Îslamî yê Kurdîstanî (CÎK) Hafiz Ahmet Turhalli zî tede komêka newîye nê hewteyî nobete gêna. Kome de Mala Salîh, Behrem û Fahrettîn estê.

Nameyê kome ser o Hafiz Ahmet Turhalliyî pare kerd ke kesê ke Îslamî ra bwer kenê ganî terefgîrê haştîye bibê û vat: ''Misilmanî şinê misilmanan kişenê, dima şinê Trump û Putînî ra wazenê ke înan rê haştîye bîyarê.''

Turhalliyî îfade kerd ke seba ke Kurdîstanî û Rojhelatê Mîyanênî de haştîye bêra caardene ganî tecrîdê vera Rayberê Şarê Kurdî Abdullah Ocalanî bêro wedaritene.

Turhalliyî bale ante ser ke ê bextewar ê ke nameyê CÎKî ser o tewrê çalakîya Nobeta Azadîye bîyî û vat: ''Seba kurdan wisar yeno û ganî ma hêvîdar bibê.''

Endamê kome Mala Salîhî zî eşkera kerd ke şarê kurdî tecrîd qebul nêkeno û vera tecrîdî ganî têkoşîn bêro xurtkerdene. Mala Salîhî vat: ''Eke wazenê polîtîkayêka rastikêne bikerê ganî tecrîd biqedinê.''

CÎKî 25ê hezîranê 2012î ra nata zaf reyan tewrê çalakîya Nobeta Azadîye bi. CÎKî ra ber îdarekar û endamê dezgehanê elewî û êzidîyan û şarê asûr û sûryanan zî tewrê Nobeta Azadîye bîyî.