Endamê Înîsîyatîfê Kurdîstanî Bipawê (Defend Kurdistan) şaristanê Dusseldorfî yê Almanya de hetê kurdan û dostanê înan ra ameyî pêşwazîkerdene.

Endama înîsîyatîfî Sina Reisch eşkerayîye daye û pare kerd ke heyetê înan ê bi 150 kesan waşt şoro Başûrê Kurdîstanî la Almanya û Hewlêr de ame astengkerdene. Reische vat: ''Almanya seba ke têkilîya ci ya bi Tirkîya mexeripîya Heyetê Haştîye asteng kerd. No yeno a mana ke Almanya hetê Tirkîya de ca gêna.

Ma waşt ke verê şerê zereyî yê kurdan bigêrê. La PDKyî ma asteng kerdî. No zî mojneno ke PDK zî hetê Tirkîya de ca gêno. Şarê Başûrî pêvînayîşanê ma de pare kerd ke ê îşxalê Tirkîya qebul nêkenê. Almanya wextê qirkerdişê Helebçe de çekî dabi Saddamî. Ganî Almanya kurdan ra uzrê xo biwaza û hetê Tirkîya de ca megêra.''