Mazlûm Dag û Abdurrahman Er ê ke cezaya zîndanî dîyabî înan, 18ê gulane ra nata Zîndanê Hewlêrî de vera kerdişanê xiraban grevê vêşanîye de yê.

Înîsîyatîfê Paştdayîşî yê vera Vera Îdamî yo ke Swîsre de ameyo awankerdene derheqê Mazlûm Dag û Abdurrahman Erdî de eşkerayîye daye.

Eşkerayîye de ame parekerdene ke Er û Dag seba ke kinê yewşiklî red kerdî raştê îşkence û teda ameyê coka înan dest pê grevê vêşanîye kerdo. Eşkerayîye de ame vatene ke rewşa Dag û Erî xirab a, vîtamînê B1î nêdîyeno înan û wirdemînan zî zaf kîloyî dayê.

Eşkerayîye de ame vatene ke îdareyê zîndanî cewab nêdano waştişanê wird tepişteyan. Înîsîyatîfî vat: ''Ma venga selahîyetdaranê zîndanî danê ke wa waştişanê Er û Dagî bîyarê ca. Ma venga rayaumûmîye zî danê ke derheqê babete de hîsger biba.''