Înîsîyatîfê Vera Çekanê Kîmyewîyan o ke Berlin de ronîyabi, tira heyetêkî Amnesty International-Berlin (Rêxistina Efû ya Mîyanneteweyî ya Berlinî) de pêvînayîş kerd û bire daye ke vera şuxilnayîşê çekanê kîmyewîyan pîya têkoşîn bikerê.
Paytextê Almanya Berlin de Înîsîyatîfê Vera Çekanê Kîmyewîyan ronîyabi. Heyetêkê înîsîyatîfî yo ke Mehtape Erol, Niştimane Tarhan û Enver Şenî ra yeno pê, Amnesty International-Berlin (Rêxistina Efû ya Mîyanneteweyî ya Berlinî) de pêvînayîş kerd. Pêvînayîş de texrîbatê çekanê kîmyewîyan û têkoşîno hempar ameyî nîqaşkerdene.
Pêvînayîş de ame parekerdene ke bêvengîya rayaumûmîya mîyanneteweyî û sîyasetmedaran a vera hêrişanê kîmyewîyan ê dewleta tirke nêna qebulkerdene. Heyetî vist vîrî ke seke Sereka TTByî Prof. Dr. Şebneme Korur Fîncanci vatbi ganî heyetê xoserî herême de cigêrayîşan bikerê.
Pêvînayîş de bire dîyaye ke heyetî vera şuxilnayîşê çekanê kîmyewîyan pîya têkoşîn bikerê û derheqê babete de bi eşkerayîya çapemenîye agahîyan bidê rayaumûmîye.
