Yewîya Koçberanê Tirkîya-Kurdîstanî (AVEG-KON), Meclîsê Şarê Kurdî yê Îskoçya û Merkezê Karkeran ê Enternasyonalîstan ê Dundee rayraşîyayîşo derg ê 3 rojan da destpêkerdene.

Komîte pare kerd ke ê armanc kenê ke bi nê çalakîyan polîtîkaya tecrîdê vera Rayberê Şarê Kurdî Abdullah Ocalanî teşhîr bikerê.

AVEG-KONî ra Huseyîn Karasuyî bale ante operasyonanê vera HDP, HDK û ESPyî ser û vat: ''Ganî ma wayîrê înan vejîyê. Seba ke ma Edinburghî ra ver bi Parlamentoya Îskoçya şorê venga her kesî danê ke paştî bido ma.''

Vervatoxê Merkezê Karkeran ê Enternasyonalîstan ê Dundee Alessandro Skarlatosî zî vat: ''Ma operasyonanê vera HDP û ESPyî, tecrîdê vera Abdullah Ocalan û tepişteyan ê bînan qet qebul nêkenê. Ma hetê şarê kurdî de Îskoçya de mil bi mil şorê. Ma armanc kenê ke nê hêrişan berê rojdemê Parlamento.''

Rayraşîyayîş 9ê teşrîna verêne de verê Parlamentoya Îskoçya de do biqedîyo.

Bi eynî waştişî bajarê Stuttgartî yê Almanya de zî çalakîyêke ameye kerdene.