Partîyê hukmatê Îspanya zî tede komêka 9 wekîlanê Îspanya vera tedayanê serê HDPyî nêrazîbîyayîşê xo mojna û vernîyazêk pêşkêşê parlamento kerd. Partîyan Unidas Podemos, ERC, PNV, EH Bildu, JxCAT, Compromís, Más País, BNG et La CUPî morê xo da binê vernîyazî.

Vernîyaz de ame vatene ke HDP partîya hîrêyîne ya pîle ya Tirkîya û sîyasetmedarê ci benê hedefê teda û dewayanê sîyasîyan.''

Wekîlan Kongreya Îspanya ra waşt ke vera tedayanê dewleta tirke vejîya û hukmatê PSOE ra zî waşt ke bi hawayêkê eşkerayî paştî bido HDPyî. Tay wekîlan zî eşkerayîye daye çapemenîye û dowîzê 'Paştî bidê HDPyî' akerd.

Temsîlkarê kurdan ê Îspanya Eyyup Doryî eşkerayîye de îfade kerd ke HDP heqanê pêro şaran temsîl keno û vat: ''Hewceyê ma pê paştdayîşê pêro hêzan esto. Ma PSOE ra wazenê wa paştî bido nê xîretî.''

Doruyî vist vîrî ke dewleta tirke Qirkerdişê Armenîyan de hêrişê Vakurê Kurdîstanî kerd û hêrişanê vera Rojawanî rê zî dewam kena. Doruyî eşkera kerd ke dewleta tirke dewletêka îşxalker a.