Konferansê Konfederalîzmê Demokratîkî yê Roma roja diyîne de dewam kerd. Beşê vizêrîn ê konferansî de serê neteperwerîya ke geş bîya û krîzê kapîtalîzmî pêşnîyazê seba çareserîye ameyî kerdene.
Konferans bi vîdeoyêko ke wexto ke Rayberê Şarê Kurdî Abdullah Ocalan Roma de bi ame mojnayene û beşo diyîn ê konferansî de babetê girîngî ameyî qiseykerdene. Konferans de babetê zêdebîyayîşê neteperwerîye, multecîyan û krîzê netew-dewlete hetê beşdaran ra ameyî munaqeşekerdene. Endamo verên ê FARC'î Vîctorî Sandîno serê renganê mêtingerîye yê Amerîkaya Latînî qisey kerd. Hemsereka KNK'yî Nîlufer Koçe derheqê alternatîfê modelê netew-dewlete û neteweyo demokratîk de qisey kerd. Akademîsyene Nazan Unstundage derheqê hêzî, dima nuştox û felsefevan Salvatore Malînconîco ser qisey kerd.
Peynîya panelî de şorişê cinîyan ê Rojawanî ame cadayene. Aktîvîsta Kongreya Starî Reyxax Şêxmûre têkoşînê cinîyan ê Vakurê Sûrîye ser qisey kerd. Beşo diyîn ê panelî de pozîvîtîzm û pos-modernîzm ame munaqeşekerdene. Zanîngehê Kablîra ra Laura Corrade panelêk da û panel de serê xebatanê ekolojî û ekonomîyî yê Kurdistanî ame qiseykerdene. Endamê Komîteya Ekonomîkî û Ekolojî yê Vakur û Rojakewtena Sûrîye Ahmed Ûsiv behsa na babete kerde. Zanîngehê Sem Terra ya Brezîlya ra Danîel Mancîo behsa ekonomî yo komunal kerde. Dima meseleyê dormeyî ameyî qiseykedrene û pêşnîyazê çareserîye yê Rayberê Şarê Kurdî Abdullah Ocalanî yê serê na babete ameyî qiseykerdene.