Şaristanê Brescia yê Îtalya de 31 serrî yo aktîvîteya Radio Onda d’urtoyî yena kerdene. Aktîvîteya ke 18 rojan dewam kena, rojêka xi seba azadîya Rayberê Şarê Kurdî û têkoşînê kurdan ameye serûberkerdene. 

Aktîvîteya 'Wextê Hêvîye' hetê Buroyê Enformasyonî yê Kurdîstanî yê Îtalya ra bajarekê Buffolora yê şaristanê Brescia de ameye kerdene. Aktîvîte de bi hezaran merdiman rê derheqê meseleya kurdan û tecrîdê vera Abdullah Ocalanî de agahîyî ameyî dayene.

Xeyma aktîvîte de nuştoxê xêzeromanê 'Wextê Hêvîye' û kitabê serê Şingalî Zero Calcare, nuştoxê kitabê 'Teyna koyî' Chiara Crucciati û Rojbîne Bêrîtan bîyî meyman. Nuştoxan beşdaranê aktîvîte de sohbet kerd. 

Dima koma muzîke ya namdare Gli Ultima vejîyaye sehne ser.

Berpirsyarê Buroyê Enformasyonê Kurdîstanî yê Îtalya Yilmaz Orkan aktîvîte de ard ziwan ke Rayberê Şarê Kurdî ra xeberêke nêna girewtene û venga dostanê kurdan ê îtalyanijan da ke wa seba azadîya Abdullah Ocalanî têkoşîn bikerê.

Nuştox Zero Calcareyî pawitoxnameyanê Ocalanî ra çend beşî wendî û vat: ''Ganî Ocalan hînî azad bibo. Ganî ma paştî bidê têkoşînê şarê kurdî.''

Qiseykerdişan ra dima Koma Punkreas, OUNK û Gli Ultima vejîyayî sehne ser.